సీఐ రమేష్‌ కుమార్‌
నవతెలంగాణ-ధర్మసాగర్‌
పోలీసు అమర వీరుల త్యాగాలు మరువలేనివని సీఐ బొల్లం రమేష్‌ కుమార్‌ అన్నారు. గురువారం పోలీస్‌ అమరవీరుల దినోత్సవం సందర్భంగా మండలంలోని ఎస్సీ కమిటీ హాల్‌ నుంచి అమరవీరుల స్తూపం వరకు కొవ్వొత్తుల ర్యాలీ నిర్వహించారు. ఈ సందర్భంగా ఆయన మాట్లాడుతూ.. శాంతి భద్రతలు కోసం అమరులైన పోలీసులను స్మరించుకోవడం మనందరి బాధ్యతని పేర్కొన్నారు. ప్రజా రక్షణ కోసం వారి ప్రాణాలను పణంగా పెట్టి పోరాడిన పోలీసులకు ఎంత చేసినా తక్కువేనన్నారు. ఈ కార్యక్రమంలో ట్రైనీ ఎస్సై పవన్‌ కుమార్‌, హెడ్‌ కానిస్టేబుల్‌ దాసుర్య, నరసయ్య, రైటర్‌ కరుణాకర్‌, పోలీసులు నాగరాజు, రంజిత్‌, భాస్కర్‌, వెంకటేష్‌, పుష్ప తదితరులు పాల్గొన్నారు.
మీ స్నేహితులకు రికమెండ్ చెయ్యండి
