నవతెలంగాణ - ములుగు
బుధవారం ఆజాదీ కా అమృత్‌ మహోత్సవంలో భాగంగా రామప్ప దేవాలయంలో ఫోటో ఎగ్జిబిషన్‌ను కల్కెక్టర్‌ కృష్ణ ఆదిత్యం ప్రారంభించారు. ఈ సందర్భంగా విద్యార్థులకు నిర్వహించిన పోటీల్లో విజేతలకు ఆయన బహుమతులు ప్రదానం చేశారు. అనంతరం ఆయన మాట్లాడుతూ.. విద్యారుథలు తమ ఇండ్లతో పాటుగా పరిసర ప్రాంతాలను శుభ్రం చేసుకోవాలన్నారు. తడి, పొడి చెత్త గురించి వివరించారు. ఈ కార్యక్రమంలో రీజనల్‌ ఔట్‌ రీచ్‌ సహాయ సంచాలకులు ఐ హరిబాబు మాట్లాడుతూ.. తమ ప్రదర్శన విభాగం ఆధ్వర్యంలో ఇలాంటి ఫోటో ప్రదర్శనలు రాష్ట్ర వ్యాప్తంగా ఏర్పాటు చేస్తున్నామని తెలిపారు. రామప్ప లాంటి చారిత్రక ప్రదేశంలో ఎగ్జిబిషన్‌ నిర్వహించడం సంతోషంగా ఉందన్నారు. ఈ కార్యక్రమంలో డీఈఓ ఫాణిణి, డీపీఆర్‌ఓ ప్రేమలత, జిల్లా ఉన్నత అధికారులు తదితరులు పాల్గొన్నారు.