నవతెలంగాణ-తొర్రూరు
ఉపాధ్యాయులు సమాజ నిర్మాతలని జిల్లా విద్యాశాఖ కోఆర్డినేటర్‌ మహంకాళి బుచ్చయ్య అన్నారు. బుధవారం డివిజన్‌ కేంద్రంలోని జెడ్పీ ఉన్నత పాఠశాలలో జిల్లా ఉత్తమ ఉపాధ్యాయులుగా ఎంపికైన పలువురిని ఘనంగా సత్కరించారు. ఈ సందర్భంగా ఆయన పాల్గొని మాట్లా డుతూ... అంకితభావంతో విధులు నిర్వహించే ఉపాధ్యా యులకు సమాజంలో గుర్తింపు ఉంటుందన్నారు. ఉపాధ్యాయులు సమయపాలన పాటించి విద్యార్థులకు నాణ్యమైన విద్యనందించాలని కోరారు. సమాజాన్ని తీర్చిదిద్దడంలో ఉపాధ్యాయుల పాత్ర కీలకమని, విద్యార్థులకు చదువుతో పాటు, సంస్కారాన్ని నేర్పించాల్సిన అవసరం ఉందన్నారు. ఈ కార్యక్రమంలో తొర్రూరు ఉన్నత పాఠశాల ఇన్చార్జి హెచ్‌ఎం రవి, నోడల్‌ హెచ్‌ఎం వెంకటేశ్వర్లు, ఉపాధ్యాయ సంఘ నాయకులు జినుగ విప్లవ రెడ్డి( పిఆర్‌టియు), చంద్రమౌళి (ఎస్టియు), శ్రీనివాస్‌ (టిపిటిఎఫ్‌), సురేందర్‌ (టిపియుఎస్‌), బిక్షపతి( టీఎస్‌ యుటిఎఫ్‌), నరేందర్‌ (డిటిఎఫ్‌), కిషన్‌ నాయక్‌( టి యుటిఎఫ్‌) తదితరులు పాల్గొన్నారు.
