- ఆధ్యాత్మికతతోనే శాంతి : ఏఎస్పీ
నవతెలంగాణ-ములుగు
ప్రజల్లో ఆధ్యాత్మికత పెరిగితేనే శాంతి నెలకొంటుందని ఏఎస్పీ పోతరాజు సాయి చైతన్య తెలిపారు. ధర్మజాగరణ ఉత్సవ సమితి ఆధ్వర్యంలో నవంబర్‌ 3న దీపావళి పండుగను పురస్కరించుకుని జిల్లా కేంద్రంలో నిర్వహించే నరకాసుర వధ కార్యక్రమ కరపత్రాన్ని ఆయన గురువారం ఆవిష్కరించి మాట్లాడారు. ఉత్సవ నిర్వాహకులు నిబంధనలు పాటించాలని సూచించారు. సందర్శకులకు ఇబ్బందులు తలెత్తకుండా సౌకర్యాలు కల్పించాలని కోరారు. అనంతరం నరకాసుర వధ ఉత్సవ సమితి అధ్యక్షుడు గండ్రకోట కుమార్‌ మాట్లాడారు. నవంబర్‌ 3న నరకాసుర వధ ఉత్సవ నిర్వహణకు ప్రజలు సహకరించాలని కోరారు. కార్యక్రమంలో నరకాసుర వధ ఉత్సవ సమితి సభ్యులు ఓడ రాజు, రాచమల్ల శివాజీ, గూడబోయిన రమేష్‌ ,ఇమ్మడి రాకేష్‌ యాదవ్‌, నగరపు రమేష్‌, చెలుమల్ల రాజేందర్‌, కొత్త సురేందర్‌, జక్కుల రేవంత్‌ యాదవ్‌, అరిగల భాను, బొమ్మగాని ప్రభాకర్‌, పాండ్య చంటి, వామన్‌ పాల్గొన్నారు.
