నవతెలంగాణ-తొర్రూరు
వైద్య విద్యలో సీటు సాధించిన పేద కుటుంబానికి చెందిన ధర్మవరపు స్పందనను స్ఫూర్తిగా తీసుకుని విద్యార్థులు చదువుల్లో రాణించాలని తహసీల్దార్‌ వేమిరెడ్డి రాఘవరెడ్డి కోరారు. మండలంలోని చెర్లపాలెం గ్రామానికి చెందిన స్పందనను మంగళవారం ఆయన శాలువాతో సన్మానించారు. అనంతరం తహసీల్దార్‌ మాట్లాడారు. ప్రతిభ చాటడానికి పేదరికం అడ్డంకి కాదన్నారు. విద్యార్థులు క్రమశిక్షణతో చదువుకుని ఉత్తమ ఫలితాలు సాధించి ఉన్నత శిఖరాలు చేరుకోవాలని ఆకాంక్షించారు. అనంతరం స్పందనకు ఆర్థికసాయం అందించారు. కార్యక్రమంలో ఎంపీటీసీ కిరణ్‌, రిటైర్డ్‌ టీచర్‌ మల్లయ్య, వీఆర్వో విజరు, తదితరులు పాల్గొన్నారు.
మీ స్నేహితులకు రికమెండ్ చెయ్యండి
