నవతెలంగాణ- ములుగు
బుధవారం నిర్వహించిన డయల్‌ యువర్‌ డీఎం కార్యక్రమానికి విశేష స్పందన లభించిందని వరంగల్-2డిపో మేనేజర్‌ మహేశ్‌కుమార్‌ తెలిపారు. ఈ సందర్భంగా ఆయన మాట్లాడుతూ.. ములుగు, వరంగల్ అర్బన్‌ జిల్లాలోని ఆత్మకూరు, ములుగు వెంకటాపురం మండలాల నుంచి ప్రయాణికులు ఫోన్‌లో సంప్రదించినట్టు తెలిపారు. పేరూరు, వెంకటాపురం నుంచి హైదరాబాద్‌కు బస్సు సౌకర్యం కల్పించామని నలుగురి కోరినట్టు పేర్కొన్నారు. ఈ విషయాన్ని పరిశీలించి బస్సు సర్వీసు నడిపిస్తామని తెలిపారు. ఏటూరునాగారం, మంగపేటకు సాయంత్రం 5గంటల తరువాత బస్సులు పెంచమని పలువురు కోరగా ఆయన స్పందించారు.
మీ స్నేహితులకు రికమెండ్ చెయ్యండి
