Authorization
Mon Jan 19, 2015 06:51 pm
నవతెలంగాణ-ములుగు
నూతన గురుకులాలకు సొంత భవనాలు నిర్మించాలని ఎస్ఎఫ్ఐ జిల్లా ఉపాధ్యక్షుడు బాలుగు గణేష్ ప్రభుత్వాన్ని డిమాండ్ చేశారు. జిల్లా కేంద్రంలో శనివారం ఏర్పాటు చేసిన సమావేశంలో ఆయన మాట్లాడారు. అద్దె భవనాల్లో గురుకులాల ఉండడం, వసతులు లేకపోవడం సరికాదన్నారు. సొంత భవనాలు నిర్మించి మౌలిక వసతులు కల్పించాలని కోరారు. విద్యార్థులకు పెండింగ్లో ఉన్న ఫీజు రీయింబర్స్మెంట్, స్కాలర్షిప్ బకాయిలు విడుదల చేయాలని, ఎస్ఎంహెచ్ హాస్టళ్లకు భవనాలు ఏర్పాటు చేయాలని, ఆశ్రమ పాఠశాలల్లో ఏఎన్ఎం పోస్టులను భర్తీ చేయాలని డిమాండ్ చేశారు. లేనిపక్షంలో ఆందోళనలు నిర్వహిస్తామని చెప్పారు. సమావేశంలో నాయకులు అనుముల రాజ్కుమార్, దేవరాజ్, మోహన్, పాషా, ప్రవీణ్, మనోహర్, తదితరులు పాల్గొన్నారు.