నవతెలంగాణ-మంగపేట
సహాకార సంఘం కార్యాలయంలో రబీ సీజన్‌కు అవసరమయ్యే అపరాల విత్తనాలు అందుబాటులో ఉన్నాయని సింగిల్‌ విండో చైర్మన్‌ తోట రమేష్‌ తెలిపారు. ఆదివారం 68వ సహాకార వారోత్సవాల సందర్భంగా కార్యాలయం వద్ద సహాకార జెండాను ఆయన ఆవిష్కరించి మాట్లాడారు. రబీ సీజన్లో రైతులకు అవసరమయ్యే అన్ని రకాల విత్తనాలు, ఎరువులు అందుబాటులో ఉన్నాయన్నారు. డ్రిప్‌ ఇరిగేషన్‌కు సంబందించిన వాటర్‌ సొల్యూబల్‌ ఫెర్ఠిలైజర్స్‌తో పాటు మినుములు, జనుములు, పెసర్లు తదితర విత్తనాలు అందుబాటులో ఉన్నాయన్నారు. సహాకార సంఘం ఆధ్వర్యంలో వ్యవసాయ అవసరాల కోసం తక్కువ వడ్డీకి బంగారు ఆభరణాలపై రుణాలు అందిస్తున్నామన్నారు. ఈ అవకాశాన్ని రైతులు వినియోగించుకోవాలని పేర్కొన్నారు. కార్యక్రమంలో సంఘం సీఈఓ జగన్నాథరావు, వైస్‌ చైర్మన్‌ కాడబోయిన నరేందర్‌, డైరెక్టర్లు సిద్దంశెట్టి లక్ష్మణ్‌ రావు, నర్రా శ్రీధర్‌, అచ్చ సత్యనారాయణ, సంగరబోయిన నర్సయ్య, చిట్టిమల్ల రజిత సమ్మయ్య, సిబ్బంది రమేష్‌, భారతి పాల్గొన్నారు.
