నవతెలంగాణ-దుగ్గొండి
మండలంలోని పలు పాఠశాలల్లో బాలల దినోత్సవ వేడుకలు ఆదివారం ఘనంగా నిర్వహించారు. గిర్ని బావిలోని మహాత్మ జ్యోతిబాపూలే పాఠశాలలో ప్రిన్సిపల్‌ కూ రోజు దేవేందర్‌ జవహర్‌లాల్‌ నెహ్రూ చిత్రపటానికి పూలమాలవేసి ఘన నివాళులర్పించారు. అనంతరం విద్యార్థులకు పోటీలు నిర్వహించారు. విజేతలకు బహుమతులు అందజేశారు. ఈ కార్యక్రమంలోడిప్యూటీ వార్డెన్‌ సోమ రాణి, ఉపాధ్యాయులు ప్రభాకర్‌, రాజు, సురేష్‌, కోటి, శ్రీనివాస్‌ రమేష్‌, రాజు, సతీష్‌, ప్రేమలత, రోజా తదితరులు పాల్గొన్నారు
నవతెలంగాణ-నడికూడ
మండల కేంద్రంలో ఎఫిలిజెంట్స్‌ యూత్‌ ఆధ్వర్యంలో ఘనంగా బాలల దినోత్సవ వేడుకలు నిర్వహించారు. ఈ కార్యక్రమానికి సర్పంచ్‌ ఊర రవీందర్‌ రావు ముఖ్యఅతిథిగా హాజరయ్యారు. ఈ సందర్భంగా సర్పంచ్‌, ఎఫిలిజెంట్స్‌ యూత్‌ అధ్యక్షుడు దుప్పటి సుమన్‌, ఉపాధ్యక్షుడు రమేశ్‌, గౌరవాధ్యక్షుడు రాజకుమార్‌లతో కలిసి నెహ్రూ చిత్రపటానికి పూలమాలలు వేసి ఘన నివాళులర్పించారు. అనంతరం పిల్లలకు నోట్‌బుక్స్‌, పెన్నులు, స్వీట్స్‌ పంపిణీ చేశారు. ఈ కార్యక్రమంలో దుప్పటి రవి (సింగర్‌), రాకేష్‌, కాకి శ్రీకాంత్‌, దుప్పటి శ్రీకాంత్‌, నేరేళ్ల మైఖేల్‌, నేరేళ్ల మని పాల్గొన్నారు.
