నవతెలంగాణ-గార్ల
దేశ ప్రధాని గా జవహర్‌లాల్‌ నెహ్రూ చేసిన కృషి ఎనలేనిదని మేజర్‌ పంచాయతీ సర్పంచ్‌ అజ్మీర బాన్సిలాల్‌,ఎస్సై బాదావత్‌ రవి నాయక్‌ అన్నారు. నెహ్రూ జయంతి ని మేజర్‌ గ్రామ పంచాయతీ అధ్వర్యంలో ఆదివారం ఘనంగా నిర్వహించారు. స్దానిక నెహ్రూ సెంటర్‌ లో ఉన్న జవహర్‌ లాల్‌ విగ్రహానికి పూల మాలలు వేసి నివాళులు అర్పించారు. పంచాయతీ కార్యదర్శి జి.లక్ష్మణ్‌,పోలీసు, పంచాయతీ సిబ్బంది తదితరులు ఉన్నారు.
కాంగ్రెస్‌ అధ్వర్యంలో
నెహ్రూ దేశానికి, కాంగ్రెస్‌ పార్టీ కి చేసిన కృషి ఆదర్శమని కాంగ్రెస్‌ మండల అధ్యక్షుడు ధనియాకుల రామారావు అన్నారు. నెహ్రూ జయంతిని మండలంలో ఆదివారం ఘనంగా నిర్వహించారు. నెహ్రూ విగ్రహానికి పూల మాలలు వేసి నివాళులర్పించారు. నాయకులు యం.రాము గౌడ్‌, జి.శ్రీను, యం.వినోద,వశ్యా,సాయి,శ్రీనివాస్‌,మధు,సుందర, సీతంపేట, గార్ల లో నిర్వహించిన జయంతి వేడుకలలో ఆర్‌.వెంకట్రామయ్య, ఎంపిటీసి గుండె బోయిన నాగమణి, తాళ్లపల్లి కష్ణ పాల్గొన్నారు.
కేసముద్రం రూరల్‌ : కేసముద్రం మండల కేంద్రంలోని కృషి గాయత్రి విద్యాలయం లో నెహ్రూ జయంతిని ఘనంగా నిర్వహించారు. మండల కాంగ్రెస్‌ పార్టీ అధ్యక్షులు మహేందర్‌ రెడ్డి, టీపీసీసీ సభ్యులు దసురు నాయక్‌ పాల్గొని మాట్లాడారు. కిసాన్ కాంగ్రెస్‌ జిల్లా అధ్యక్షులు తోట వెంకన్న,ఎంపీటీసీ బాలు నాయక్‌, ఎస్సీ సెల్‌ ఎస్టీ సెల్‌ జిల్లా నాయకులు సత్యానందం, ఇస్లావత్‌ చెందు, బ్లాక్‌ కాంగ్రెస్‌ నాయకులుబీ అయూబ్‌ ఖాన్‌, గోపాల్‌ రెడ్డి, పోలే పాక నాగరాజు, కూరెళ్ళి సతీష్‌, డైరెక్టర్‌ శ్రీనివాస్‌, మల్సూర్‌ నాయక్‌ పాల్గొన్నారు
