ఎంపీడీఓ చక్రాల సంతోష్‌ కుమార్‌
నవతెలంగాణ-పర్వతగిరి
మండలంలోని అన్ని గ్రామాల్లో కోవిడ్‌ వ్యాక్సినేషన్‌ను వంద శాతం పూర్తి చేయాలని ఎంపీడీఓ చక్రాల సంతోష్‌ కుమార్‌ సూచించారు. మూడెత్తుల తండా గ్రామ పంచాయతీలో మంగళవారం నిర్వహించిన కోవిడ్‌ వాక్సినేషన్‌ను ఆయన పరిశీలించి మాట్లాడారు. వాక్సినేషన్‌ పట్ల ప్రజలకు ఉన్న అపోహలను తొలగించాలన్నారు. వందశాతం వాక్సినేషన్‌ పూర్తయ్యేలా పంచాయతీ కార్యదర్శులు, ఏఎన్‌ఎంలు, ఆశ కార్యకర్తలు కృషి చేయాలన్నారు. కార్యక్రమంలో మండల వైద్యాధికారి ప్రసాద్‌ ముఖర్జీ, కేర్‌ ఇండియా మోబిలైజర్‌ మంచోజు సత్యనారాయణ తదితరులు పాల్గొన్నారు
మీ స్నేహితులకు రికమెండ్ చెయ్యండి
