నవతెలంగాణ-తొర్రూరు
డివిజన్‌ కేంద్రంలోని గెస్ట్‌ హౌజ్‌లో బాలవికాస సేవా సంస్థ ఆధ్వర్యంలో గురువారం అనాథ వృద్ధులకు బట్టలు, చేతి కర్రలు, నిత్యావసర వస్తువులు పంపిణీ చేశారు. ఈ సందర్భంగా జెడ్పీటీసీ, జెడ్పీ ఫ్లోర్‌లీడర్‌ మంగళపల్లి శ్రీనివాస్‌, బాలవికాస ప్రతినిధి జ్యోతి మాట్లాడారు. దాతల సహకారంతో సేవలు అందిస్తున్నట్టు తెలిపారు. వద్ధుల కోసం 11వ వార్డు కౌన్సిలర్‌ నాగజ్యోతి నాగరాజు చేతి కర్రలు, రేవూరి శ్రీధర్‌ వంట నూనె అందించినట్టు తెలిపారు. 50 మంది వద్ధులకు బట్టలు, నిత్యావసర వస్తువులు, చేతి కర్రలు అందించామని వివరించారు. కార్యక్రమంలో బాలవికాస కోఆర్డినేటర్‌ రమ, మద్దెల రమ, శైలజ, శోభారాణి, సరిత, రమేష్‌ తదితరులు పాల్గొన్నారు.