నవతెలంగాణ-శాయంపేట
30ఏండ్ల రాజకీయ ప్రస్థానంలో మచ్చలేని నాయకుడిగా గండ్ర సత్యనారాయణ రావు నిలిచారని కాంగ్రెస్‌ నాయకుడు దూదిపాల బుచ్చిరెడ్డి అన్నారు. జీఎస్‌ఆర్‌ 55వ జన్మదిన వేడుకలను పార్టీ ఆధ్వర్యంలో శుక్రవారం స్థానిక అంబేద్కర్‌ సెంటర్లో ఘనంగా నిర్వహించారు. ఈ సందర్భంగా కేక్‌ కట్‌ చేసి స్వీట్లు, పండ్లు పంపిణీ చేశారు. అనంతరం ఆయన మాట్లాడుతూ.. సామాన్య వ్యవసాయ కుటుంబంలో జన్మించిన జీఎస్‌ఆర్‌ బుద్ధారం సర్పంచ్‌గా తన రాజకీయ జీవితాన్ని ప్రారంభించి, గణపురం జెడ్పీటీసీగా ప్రజలకు సేవలు అందించాడని తెలిపారు. రాబోయే రోజుల్లో యువత, ప్రజల ఆశీర్వాదంతో ఎమ్మెల్యేగా గెలుపొందడం ఖాయమన్నారు. ఈ కార్యక్రమంలో నాయకులు జిన్నా ప్రతాప్‌ సేనారెడ్డి, చిందం రవి, మారేపల్లి రవీందర్‌, దుబాసి కష్ణమూర్తి, నాగేశ్వరరావు, మార్కండేయ, రఫీ, రవిపాల్‌, రమేష్‌, బిక్షపతి, అమర్‌, సదానందం పాల్గొన్నారు.
