నవతెలంగాణ-నెక్కొండ రూరల్‌
పత్తిపాక అంగన్వాడి సెంటర్ల్‌లో గురువారం సఖి కేంద్రంపై అవగాహన సదస్సు నిర్వహించారు. అంగన్వాడి సూపర్‌వైజర్‌ శ్యామల దేవి అధ్యక్షతన జరిగిన కార్యక్రమంలో సఖి కేంద్రం లీగల్‌ కౌన్సిలర్‌ మాట్లాడుతూ.. మహిళా సమస్యలు, మహిళల హక్కులు, మహిళా రక్షణ చట్టాలు, సఖి కేంద్రంలో బాధిత మహిళలకు అందే సేవల గురించి వివరించారు. వరకట్న వేధింపులు, గహ హింస, లైంగిక వేధింపులు తదితర బాధితులకు రక్షణ, భద్రత సహాయం అందించుటకు కేంద్ర, రాష్ట్ర ప్రభుత్వాలు కలిసి సంయుక్తంగా ఈ సఖి కేంద్రాలను తెలంగాణలోని అన్ని జిల్లాల లో ఏర్పాటుచేసినట్టు పేర్కొన్నారు. అంగన్వాడీ టీచర్స్‌, సఖి సిబ్బంది తదితరులు పాల్గొన్నారు.