నవతెలంగాణ-కొత్తగూడ
చలి తీవ్రత దృష్ట్యా వృద్ధులు జాగ్రత్తగా ఉండాలని ఎమ్మెల్యే సీతక్క సూచించారు. శుక్రవారం కొత్తగూడ మండలం గుంజేడు గ్రామపంచాయితీ పరిది చిట్యాలగడ్డ గ్రామంలో దాదాపు 30 కుటుంబాలకు దుప్పట్లు పంపిణీ చేసి ఆమె మాట్లాడారు. ప్రతి పేద కుటుంబానికి కాంగ్రెస్‌ పార్టీ అండగా ఉంటుందన్నారు. పేదలను ఆదుకోవడానికి దాతలు ముందుకురావాలన్నారు. ఈ కార్యక్రమంలో కాంగ్రెస్‌ మండల అధ్యక్షుడు వజ్జ సారయ్య, కాంగ్రెస్‌ మండల వర్కింగ్‌ ప్రెసిడెంట్‌ అధ్యక్షులు సుంకరబోయిన మొగిలి, ఎంపీపీ బానోత్‌ విజయరూప్‌సింగ్‌, జెడ్పీటీసీ పులుసం పుష్పలత శ్రీనివాస్‌, కొత్తగూడ సర్పంచ్‌ మల్లెల రణధీర్‌, ఎంపీటీసీ భూర్క పుష్పలత నరేందర్‌, కో ఆప్షన్‌ సభ్యులు సయ్యద్‌, సీనియర్‌ నాయకులు వెంకటేశ్వర్లు పాల్గొన్నారు.
మీ స్నేహితులకు రికమెండ్ చెయ్యండి
