అ వరంగల్ తూర్పులో మహా హరితహారం
నవతెలంగాణ-వరంగల్ ప్రాంతీయప్రతినిధి
రాజ్యసభ సభ్యుడు గ్రీన్‌ ఇండియా చాలెంజ్‌తో మొక్కల పెంపకాన్ని ప్రోత్సహిస్తున్న హరిత ప్రేమికుడు ఎంపీ జోగినపల్లి సంతోష్‌కుమార్‌ జన్మదినం సందర్బంగా ఖిలావరంగల్‌ మధ్యకోట గుండు చెరువు గుట్ట పక్కన డిప్యూటీ మేయర్‌ రిజ్వానా షమీమ్‌ మసూద్‌, కార్పొరటర్లు,గులాబీ శ్రేణులతో కలిసి వరంగల్ తూర్పు ఎమ్మెల్యే నన్నపునేని నరేందర్‌ మొక్కలు నాటారు. సుమారు 3వేల మొక్కలు టీఆర్‌ఎస్‌ శ్రేణులు నాటగా వారితో కలిసి సరదాగా సెల్ఫీలు దిగారు. అనంతరం ఎమ్మెల్యే నన్నపునేని నరేందర్‌ మాట్లాడుతూ... గ్రీన్‌ ఇండియా చాలెంజ్‌ తో మొక్కల పెంపకాన్ని వేగంగా ముందుకు తీసుకువెళ్తున్న ఎంపీ సంతోష్‌ కుమార్‌ జన్మదినం సందర్బంగా మొక్కలు పెంచాలనే సంకల్పం కొనసాగిస్తూ మహా హరిత హారం కార్యక్రమం నిర్వహించినట్టు తెలిపారు. మహా హరితహారంలో భాగస్వామ్యులైన వారందరికి ఎమ్మెల్యే కతజతలు తెలిపారు.
