నవతెలంగాణ-భూపాలపల్లి
త్రివిధ దళాధిపతి బిపిన్‌ రావత్‌ మృతి దేశానికి తీరని లోటని సీడబ్ల్చూసీ చైర్మెన్‌ దాస్యం వేణుగోపాల్‌, బాలరక్షా భవన్‌ (బీఆర్బీ) కోఆర్డినేటర్‌ శిరీష అన్నారు. బాల రక్షా భవన్‌లో బిపిన్‌ రావత్‌ చిత్రపటానికి వేణుగోపాల్‌, శిరీష నివాళ్లర్పించి మాట్లాడారు. శత్రువులను దెబ్బ కొట్టేలా వ్యూహాలను రచించడంలో అపర చాణక్యుడుడగా అభివర్ణించారు. దేశ రక్షణలో జీవితాన్ని అంకితం చేసిన త్యాగ శీలి అని కొనియాడారు. కార్యక్రమంలో బాలల సంరక్షణ అధికారి రాజ కొమురయ్య, చైల్డ్‌ లైన్‌ కోఆర్డినేటర్‌ సునీల్‌, సోషల్‌ వర్కర్‌ శైలజ, ఔట్‌ రీచ్‌ వర్కర్‌ సోషల్‌ కుమార్‌, చైల్డ్‌ టీమ్‌ సభ్యులు విక్రమ్‌, రాంచరణ్‌, డేటా ఎంట్రీ ఆపరేటర్స్‌ కవిత, రజిని, తదితరులు పాల్గొన్నారు.