నవతెలంగాణ-కొత్తగూడ
స్నేహబంధం పరిమళించింది. తమతో పాటు టెన్త్‌ చదువుకున్న స్నేహితుడు అనారోగ్యంతో బాధపడుతుండగా అండగా ఉంటామంటూ రూ.17 వేల 500లు సాయం అందించారు. వివరాలిలా.. మండల కేంద్రం లోని గిరిజన ఆశ్రమ హైస్కూల్‌లో 1997-98లో టెన్త్‌ చదువుకున్న స్నేహితులు మండలంలోని గుంజేడు ముసలమ్మ సన్నిధిలో ఆదివారం కలుసుకుని పూర్వవిద్యార్థుల సమ్మేళనం నిర్వహించారు. ఈ సందర్భంగా తమతో కలిసి టెన్త్‌ చదువుకున్న ఈక సారంగపాణి, సుదర్శన్‌ అనారోగ్యంతో బాధపడుతున్న విషయం తెలుసుకుని తమ వంతుగా రూ.17 వేల 500లు సాయం అందించి ఉదారత చాటుకున్నారు. భవిష్యత్‌లోనూ ఒకరికొకరు తోడుగా ఉంటామని భరోసా కల్పించారు.
మీ స్నేహితులకు రికమెండ్ చెయ్యండి
