ములుగు ఎమ్మెల్యే సీతక్క
నవతెలంగాణ-కొత్తగూడ
నియోజకవర్గంలో కాంగ్రెస్‌ పార్టీ అభివృద్ధికి అహర్నిశలు కష్టపడుతున్న ప్రతి కాంగ్రెస్‌ కార్యకర్తను, నియోజకవర్గంలోని ప్రజలను కంటికి రెప్పలా కాపాడుకుంటామని ములుగు నియోజకవర్గ ఎమ్మెల్యే దనసరి సీతక్క అన్నారు. మండలంలోని భత్తుల పల్లి గ్రామానికి చెందిన ముయ్య బోయిన రమణయ్య, ముయ్య బోయిన జ్యోతి, జాడి రవీందర్‌, ఇరుప వెంకన్న,ఈసం పుష్పలత, ఈసం నవీన్‌, ఈసా ల రామయ్య లు బత్తులపల్లి కాంగ్రెస్‌ గ్రామ కమిటీ అధ్యక్షులు సంగి సంపత్‌, ఎంపీపీ బానోతు విజయ రూప్‌ సింగ్‌, కాంగ్రెస్‌ పార్టీ మండల అధ్యక్షులు వజ్జ సారయ్య ఆధ్వర్యంలో సోమవారం ఎమ్మెల్యే క్యాంపు కార్యాలయం లో ఎమ్మెల్యే సీతక్క సమక్షంలో కాంగ్రెస్‌లో చేరారు. వారికి సీతక్క పార్టీ కండువా కప్పి ఆహ్వానించారు. రానున్న ఎన్నికల్లో కాంగ్రెస్‌ను భారీ మెజార్టీతో గెలిపించే బాధ్యత తీసుకోవాలని అన్నారు. ఈ కార్యక్రమంలో ఎంపీపీ బానోత్‌ విజయ రూప్‌ సింగ్‌, కాంగ్రెస్‌ పార్టీ మండల అధ్యక్షులు వజ్జ సారయ్య, వర్కింగ్‌ ప్రెసిడెంట్‌ సుంకరబోయిన మొగిలి,నాయకులు సంగి సంపత్‌, తదితరులు పాల్గొన్నారు.
