31వ డివిజన్‌ కార్పొరేటర్‌ మామిండ్ల రాజు
అక్షర భారత్‌ కేంద్రం ప్రారంభం
నవతెలంగాణ-హన్మకొండ
సమాజంలోని ప్రతిఒక్కరూ అక్షరాస్యులు కావాలని 31వ డివిజన్‌ కార్పొరేటర్‌ మామిండ్ల రాజు కోరారు. న్యూశాయంపేటలో ఏర్పాటు చేసిన అక్షర భారత్‌ కేంద్రాన్ని జిల్లా కోఆర్డినేటర్‌ బొడ్డు క్రాంతి, డివిజన్‌ కోఆర్డినేటర్‌ పత్తిపాక కవితలతో కలిసి కార్పొరేటర్‌ రాజు బుధవారం ప్రారంభించారు. అనంతరం కార్పొరేటర్‌ రాజు మాట్లాడారు. నిరక్షరాస్యులైన వయోజనుల కోసం అక్షర భారత్‌ సెంటర్‌ను ఏర్పాటు చేసినట్టు తెలిపారు. అందరూ అక్షరాస్యులైతేనే సమాజం మరింత పురోగతి సాధిస్తుందని చెప్పారు. కార్యక్రమంలో స్థానిక టీఆర్‌ఎస్‌ నాయకులు ఎనబోతుల సతీష్‌, ఆరెల్లి కిరణ్‌, కన్నయ్య, తదితరులు పాల్గొన్నారు.
మీ స్నేహితులకు రికమెండ్ చెయ్యండి
