ఎంపీపీ చిన్న అంజయ్య, జెడ్పీ ప్లోర్‌లీడర్‌ శ్రీనివాస్‌
నవతెలంగాణ-తొర్రూర్‌ టౌన్‌
యువత క్రీడలపై ఆసక్తి పెంచుకొని రాణించాలని తొర్రూరు ఎంపీపీ తూర్పాటి చిన్న అంజయ్య, జెడ్పీ ఫ్లోర్‌లీడర్‌ మంగళపల్లి శ్రీనివాస్‌ ఆకాంక్షించారు. మండలంలోని కంటాయపాలెంలో వారియర్స్‌ ఆధ్వర్యంలో శనివారం నిర్వహించిన జిల్లా స్థాయి క్రికెట్‌ పోటీలను ఎస్సై గండ్రాతి సతీష్‌తో కలిసి ఎంపీపీ చిన్న అంజయ్య, జెడ్పీ ఫ్లోర్‌లీడర్‌ శ్రీనివాస్‌ ప్రారంభించి మాట్లాడారు. క్రీడాకారులు గెలుపు ఓటములను సమానంగా భావించి క్రీడా స్పూర్తితో ముందుకు సాగాలని కోరారు. క్రీడలు దేహధారుడ్యాన్ని పెంపొందిస్తాయని, స్నేహ పూరిత వాతావరణంలో క్రీడాపోటీల్లో పాల్గొనాలన్నారు. క్రీడల్లో రాణిస్తే ఉద్యోగ అవకాశాలు ఉంటాయన్నారు. కార్యక్రమంలో సర్పంచ్‌ శ్రీపాల్‌రెడ్డి, నాయకులు ఇటికాల వేణు, శివరాత్రి రవి, ఆవుల ఉపేందర్‌, ఉదరు కుమార్‌, వారియర్స్‌ సభ్యులు ఎర్రం రాజు, బైరుపాక శ్రీకాంత్‌, చుక్కల క్రాంతి, సోమన్న కొండ పరశురామ్‌, పల్లె సురేష్‌, బాల్య శేఖర్‌, షారుఖాన్‌,చుక్కల దిలీప్‌, తదితరులు పాల్గొన్నారు.
