నవతెలంగాణ-స్టేషన్‌ఘన్‌పూర్‌
వ్యవసాయ మార్కెట్‌ను అభివద్ధి పథంలో నడిపించేందుకు మార్కెట్‌ కమిటీ పాలకవర్గం, రైతులు సహకరించాలని వ్యవసాయ మార్కెట్‌ చైర్మెన్‌ గుజ్జరి రాజు అన్నారు. సోమవారం మార్కెట్‌ కార్యాలయంలో స్థానిక ఎమ్మెల్యే రాజయ్య ఆదేశానుసారం పాలకవర్గం సాధారణ సమావేశాన్ని నిర్వహించారు. ఈ సందర్భంగా చైర్మెన్‌ పాల్గొని మాట్లాడుతూ మార్కెట్‌కు ధాన్యం తెచ్చే రైతులకు ఇబ్బందులు తలెత్తకుండా చూడాలన్నారు. కమిటీ సభ్యులు అందుబాటులో ఉంటూ మార్కెట్‌ను మరింత బలోపేతం చేయాలని సూచించారు. ఈ కార్యక్రమంలో మార్కెట్‌ వైస్‌ చైర్మెన్‌ చల్లా చందర్‌ రెడ్డి, ఎంపీడీఓ కుమారస్వామి, పాలకవర్గ సభ్యులు చిగురు సరితాంజనేయులు, బత్తుల రాజన్‌ బాబు, రంగు హరీష్‌, తాటికాయల వరుణ్‌, పెంతల రాజ్‌ కుమార్‌, జొన్నల సోమశేఖర్‌, ఐత సుప్రియసంతోష్‌ పాల్గొన్నారు.
మీ స్నేహితులకు రికమెండ్ చెయ్యండి
