నవతెలంగాణ-బయ్యారం
కాంగ్రెస్‌ ఆధ్వర్యంలో మంగళవారం మండలంలోని 29 గ్రామ పంచాయతీల్లో ఏఐసీసీ, టీపీసీసీ పిలుపు మేరకు 137వ పార్టీ ఆవిర్భావ దినోత్సవం ఘనంగా నిర్వహించారు. అనంతరం పార్టీ జెండాల్ని ఆవిష్క రించారు. మండల అధ్యక్షులు కంబాల ముసలయ్య మాట్లాడుతూ... బ్రిటీష్‌ పాలకులకు ఎదురొడ్డి నిలిచిన ఘనత కాంగ్రెస్‌దేనని అన్నారు. రాబోయే రోజులలో కాంగ్రెస్‌ పార్టీని అటు దేశంలో రాష్టంలో అధికారంలోకి తేవడమే ధ్యేయంగా ప్రతి కార్యకర్త పని చేయాలని కోరారు. ఈ కార్యక్రమంలో టౌన్‌ కాంగ్రెస్‌ అధ్యక్షులు నాయిని శ్రీనివాస్‌ రెడ్డి, మండల ప్రధాన కార్యదర్శి గట్ల గణేష్‌, ఎంపీటీసీ భూక్య లక్ష్మీ, తగిర సత్తిరెడ్డి, సీనియర్‌ కాంగ్రెస్‌ నాయకులు ఉప్పలపాటి బాబూరావు, ఆకునూరి సూర్యనారాయణ, రైతు నాయకులు రామకష్ణ రెడ్డి, కోడి శ్రీను, సొసైటీ డైరెక్టర్‌ కేతమల్లు పాల్గొన్నారు.