జిల్లా స్థాయి క్రికెట్‌ విజేతలకు బహుమతులు అందజేత
నవతెలంగాణ-తాడ్వాయి
యువత క్రీడల్లో రాణించాలని టీపీసీసీ కార్యదర్శి పైడాకుల అశోక్‌కుమార్‌ ఆకాంక్షించారు. మండల కేంద్రంలో సర్పంచ్‌ ఇర్ప సునీల్‌ దొర, తాడ్వాయి ఫ్రెండ్స్‌ క్లబ్‌ ఆధ్వర్యంలో జిల్లా స్థాయి క్రికెట్‌ టోర్నమెంట్‌ నిర్వహించగా విజయం సాధించిన జట్లకు అశోక్‌ కుమార్‌ శుక్రవారం ప్రథమ బహుమతి కింద రూ.10 వేల 16లు అందించారు. అనంతరం ప్రథమ బహుమతి అందుకున్న మంగపేట జట్టును అశోక్‌కుమార్‌ అభినందించి మాట్లాడారు. భవిష్యత్‌లో మరిన్ని విజయాలు సాధించాలని ఆకాంక్షించారు. అనంతరం సర్పంచ్‌ ఇర్ప సునీల్‌ దొర మాట్లాడారు. టీపీసీసీ కార్యదర్శి అశోక్‌కుమార్‌ జిల్లాలో అనేక కార్యక్రమాలను విజయవంతంగా నిర్వహిస్తున్నారని చెప్పారు. ఎమ్మెల్యే సీతక్క అడుగు జాడల్లో పయనిస్తూ పేదలకు సేవలు అందిస్తూ అనతి కాలంలోనే ప్రజల హృదయాల్లో సుస్థిర స్థానం సంపాదించుకున్నాడని కొనియాడారు. ద్వితీయ బహుమతి పొందిన ఇందిరనగర్‌ జట్టుకు యువ నాయకుడు అర్రేమ్‌ లచ్చుపటేల్‌ బహుమతి అందించి దాతృత్వాన్ని చాటారని చెప్పారు. కార్యక్రమంలో మండల అధ్యక్షుడు జాలపు అనంతరెడ్డి, సహకార సంఘ అధ్యక్షుడు పులి సంపత్‌, ఎస్సీ సెల్‌ మండల అధ్యక్షుడు వావిలాల రాంబాబు, సభ్యులు యానాల సిద్దిరెడ్డి, రంగరబోయిన జగదీష్‌, మాజీ జెడ్పీటీసీ బొల్లు దేవేందర్‌, యూత్‌ అసోసియేషన్‌ సభ్యులు ముసిక ప్రవీణ్‌, ఆకుల పవన్‌, తాటికొండ రాజు, బంగారు అజరు, మోకాళ్ల శ్రీను, తాటి నరేష్‌ తదితరులు పాల్గొన్నారు.
