నవతెలంగాణ-తాడ్వాయి
మేడారం జాతరకు వెళ్తున్న ట్రాక్టర్‌ బోల్తాపడి యువకుడు మృతి చెందిన ఘటన మండలంలో ఆదివారం చోటు చేసుకుంది. వివరాలిలా.. భద్రాద్రి కొత్తగూడెం జిల్లాలోని ఆల్లపల్లి మండలంలోని బోడాయికుంటకు చెందిన కుటుంబం ఆదివారం ఉదయం ట్రాక్టర్‌లో మేడారం వెళ్తుండగా కాటాపూర్‌, తాడ్వాయి మధ్య ప్రమాదవశాత్తు బోల్తా పడింది. దీంతో ట్రాక్టర్‌లో ప్రయాణిస్తున్న కొమరం నవీన్‌ (21) ట్రాలీ కిందపడిపోగా తలకు బలమైన గాయలయ్యి అక్కడికక్కడే మతి చెందాడు. ట్రాక్టర్‌లో ఉన్న అందరూ ఒకే కుటుంబానికి చెందిన వ్యక్తులు కావడంతో నవీన్‌ మృతదేహాన్ని స్వగ్రామానికి తీసుకెళ్లారు. విషయం తెలిసి తాడ్వాయి ఎస్సై వెంకటేశ్వరరావు ఆళ్లపల్లి పోలీస్‌ స్టేషన్లో కేసు నమోదు చేయించినట్లు తెలిసింది. మృతుడి తండ్రి నాగేశ్వరరావు ఫిర్యాదు మేరకు కేసు నమోదు చేసి దర్యాప్తు చేస్తున్నట్లు తెలిపారు.