నవతెలంగాణ-పర్వతగిరి
నర్సరీ నిర్వహణ పట్ల ప్రత్యేక శ్రద్ధ తీసుకోవాలని ఎంపీడీఓ చక్రాల సంతోష్‌ కుమార్‌ అన్నారు. ఎంపీపీ సమావేశ మందిరంలో గురువారం పంచాయతీ కార్యదర్శులు, ఉపాధి హామీ సిబ్బందికి నిర్వహించిన సమీక్ష సమావేశంలో ఆయన మాట్లాడారు. పారిశుద్ధ్య పనులు రోజూ జరగాలని సూచించారు. నర్సరీలో వన సేవక్‌ రోజూ ఉదయం, సాయంత్రం నీరు పట్టాలని తెలియజేశారు. ప్రతి బ్యాగులో మొక్క ఉండేలా చర్యలు తీసుకోవాలన్నారు. రోడ్ల వెంబడి మొక్కలకు ప్రతి శుక్రవారం నీరు పట్టాలని, ట్రీ గార్డులు సరి చేయాలన్నారు. ఈ కార్యక్రమంలో ఎంపీపీ పాక శ్రీనివాస్‌, ఏపీఓ సుశీల్‌ కుమార్‌, పంచాయతీ కార్యదర్శులు, ఉపాధి హామీ సిబ్బంది తదితరులు పాల్గొన్నారు.