నవతెలంగాణ-రాయపర్తి
అనారోగ్యంతో యువకుడు మరణించడంతో స్నేహితులు బాధిత కుటుంబానికి తమవంతు సాయాన్ని అందజేసి ఉదారతన చాటుకున్న సంఘటన గురువారం మండలంలో చోటుచేసుకుంది. తిర్మలాయపల్లి గ్రామానికి చెందిన తాళ్ళపెళ్లి అనిల్‌ మిషన్‌ భగీరథలో ప్రైవేట్‌ ఉద్యోగం చేసుకుంటూ కుటుంబాన్ని పోషించు కుంటున్నాడు. ఇటీవల అనిల్‌కు అకస్మాత్తుగా ఆరోగ్య సమస్య తలెత్తడంతో గుండె పోటుతో మరణించాడు. దాంతో అనిల్‌ కుటుంబం పెద్దదిక్కును కోల్పోయింది.. కొండూరు జెడ్పీఉన్నత పాఠశాలకు చెందిన 2007 ఎస్‌ఎస్‌సీ బ్యాచ్‌ స్నేహితులు విషయం తెలుసుకొని గురువారం గ్రామానికి వచ్చి బాధిత కుటుంబ పరిస్థితులు తెలుసుకుని వారి వంతుగా రూ.22,500 ఆర్థిక సహాయం అందించారు. అలాగే మతుడి కుటుంబానికి కావాల్సిన ఆర్థిక సహాయం చేస్తామని అధైర్యపడవద్దని భరోసా ఇచ్చారు. అనిల్‌ తో కలిసి చదువుకున్న పూర్వ విద్యార్థులు, మధు, అనిల్‌, శ్రీను, బాబు, కుమార్‌, ప్రవీణ్‌ దేవేందర్‌, నరేష్‌,లు, తదితరులు పాల్గొన్నారు.
