నవతెలంగాణ-హనుమకొండ చౌరస్తా
జాతిపిత మహాత్మగాంధీ ఆశయ సాధనకు కృషి చేయాలని డీసీసీ హనుమకొండ, వరంగల్ అధ్యక్షుడు నాయిని రాజేందర్‌రెడ్డి అన్నారు. ఆదివారం హన్మకొండలోని జిల్లా కాంగ్రెస్‌ కార్యాలయంలో మహాత్మ గాంధీ వర్థంతి సందర్భంగా ఆయన ఘన నివాళ్లర్పించారు. అనంతరం పబ్లిక్‌ గార్డెన్‌లోని గాంధీ కాంస్య విగ్రహానికి పూలమాలలు వేసి నివాళ్లర్పించారు. అనంతరం మాట్లాడుతూ.. మహాత్మ గాంధ సేవలను కొనియాడారు. ఈ కార్యక్రమంలో పీసీసీ సభ్యుడు బత్తిని శ్రీనివాస్‌రావు, జిల్లా మహిళా కాంగ్రెస్‌ చైర్మన్‌ బంక సరళ, జిల్లా ఐఎన్‌టీయూసీ చైర్మన్‌ కూర వెంకట్‌, జిల్లా ఐటీ వింగ్‌ చైర్మన్‌ వింజమూరి లక్ష్మి ప్రసాద్‌, రాష్ట్ర మహిళా కాంగ్రెస్‌ ప్రధాన కార్యదర్శి కత్తుల కవిత, జిల్లా కాంగ్రెస్‌ ఉపాధ్యక్షులు మేకల ఉపేందర్‌ పాల్గొన్నారు.
మీ స్నేహితులకు రికమెండ్ చెయ్యండి
