కాంగ్రెస్‌ ఆధ్వర్యంలో గాంధీ వర్ధంతి
నవతెలంగాణ-బయ్యారం
మహాత్మా గాంధీ ఆశయ సాధనకు పాటుపడాలని కాంగ్రెస్‌ పార్టీ మండల అధ్యక్షుడు కంబాల ముసలయ్య, పట్టణ అధ్యక్షుడు నాయిని శ్రీనివాస్‌రెడ్డి కోరారు. ఆ పార్టీ మండల కమిటీ ఆధ్వర్యంలో మండల కేంద్రంలో మహాత్మాగాంధీ 74వ వర్ధంతి కార్యక్రమం నిర్వహించారు. ఈ సందర్భంగా గాంధీ సెంటర్‌ లోని గాంధీ విగ్రహానికి పూలమాల వేసి నివాళ్లర్పించారు. అనంతరం ముసలయ్య, శ్రీనివాస్‌రెడ్డి మాట్లాడారు. మహాత్మా గాంధీ అహింసా మార్గంలో పయనిస్తూ దేశానికి స్వాతంత్య్రం తీసుకొచ్చాడని గుర్తు చేశారు. క్విట్‌ ఇండియా ఉద్యమం ద్వారా దేశంలో వెలుగులు నింపారని కొనియాడారు. మహాత్మా గాంధీ స్ఫూర్తితో నాయకులు, కార్యకర్తలు ప్రజాసమస్యల పరిష్కారానికి పాటుపడాలని కోరారు. కార్యక్రమంలో మండల ప్రధాన కార్యదర్శి గట్ల గణేష్‌, ఎంపీటీసీ భూక్య లక్ష్మీ, వార్డు సభ్యుడు తగిర సత్తిరెడ్డి, కిసాన్ ఖేత్‌ అధ్యక్షుడు కొయ్యగురి రామకష్ణారెడ్డి, తాటి జనార్ధన్‌, ఆకునూరి సూర్యనారాయణ, రామగిరి వెంకటేశ్వర్లు, బిజ్జ కనకయ్య, తదితరులు పాల్గొన్నారు.
