నవతెలంగాణ-మొగుళ్లపల్లి
మండల కేంద్రంలోని మహాత్మా జ్యోతిరావు పూలే (ఎంజేపీ) స్కూల్‌ను ఈనెల 7న అధికా రికంగా ప్రారంభించనున్నట్టు భూపాలపల్లి ఎమ్మెల్యే గండ్ర వెంకటరమణారెడ్డి తెలిపారు. ఆ పాఠశాలను మంగళవారం ఆయన సంద ర్శించారు. పాఠశాలలో విద్యా విధానం, మెనూ అమలు, తదితరాలపై ప్రిన్సిపాల్‌ సీలా రమణిని అడిగి తెలుసుకున్నారు. అనంతరం ఎమ్మెల్యే మాట్లాడారు. మండల కేంద్రంలో అన్ని రకాల సౌకర్యాలతో ఎంజేపీ స్కూల్‌ రూపుదిద్దు కుందన్నారు. అనంతరం ప్రారంభోత్సవ ఏర్పాట్లు, హెలికాప్టర్‌ ల్యాండింగ్‌, తదితరాల కోసం స్థలాన్ని ప్రజాప్రతినిధులతో కలిసి ఎమ్మెల్యే పరిశీలించారు. ఆయన వెంట తహశీల్దార్‌ సమ్మయ్య, జెడ్పీటీసీ జోరుక సదయ్య, ఎంపీపీ సుజాత సంజీవరెడ్డి, పీఏసీఎస్‌ చైర్మెన్‌ నర్సింగరావు, వైస్‌ ఎంపీపీ రాజేశ్వర్‌రావు, సర్పంచ్‌ ధర్మారావు, సర్పంచ్‌ల ఫోరమ్‌ మండల ఉపాధ్యక్షుడు రాములు, టీఆర్‌ఎస్‌ పార్టీ మండల ఉపాధ్యక్షుడు పున్నంచందర్‌రావు, తదితరులు పాల్గొన్నారు.
