నవతెలంగాణ-గణపురం
మండలంలోని చెల్పూర్‌ గ్రామానికి చెందిన హరి సాయి దీపక్‌ ఇంటర్నేషనల్‌ టెన్నిస్‌ క్రికెట్‌ పోటీలకు ఎంపికయ్యాడు. ఫిబ్రవరి 23 నుండి 27 వరకు నేపాల్‌లో జరగనున్న ఫస్ట్‌ సౌత్‌ ఇంటర్నేషనల్‌ టెన్నిస్‌ క్రికెట్‌ ఛాంపియన్షిప్‌లో భారతదేశం తరపున ఆడనున్నారు. తెలంగాణ రాష్ట్రం జయశంకర్‌ జిల్లా గణపురం మండలం చెల్పూర్‌ గ్రామానికి చెందిన పురోహితులు హరి రఘుకుమార్‌శర్మ కుమారుడు హరి సాయిదీపక్‌ ఎంపికయ్యాడు. బంగ్లాదేశ్‌, శ్రీలంక, నేపాల్‌, ఇండియా మధ్య జరిగే క్రికెట్‌ పోటీల్లో సాయి దీపక్‌ పాల్గొంటారు. ఈనెల 21న ఆయన నేపాల్‌ వెళ్లనున్నారు. ఈ సందర్భంగా గ్రామస్తులు కుటుంబ సభ్యులు, క్రికెట్‌ అభిమానులు సాయి దీపక్‌కు మంగళవారం అభినందించి శుభాకాంక్షలు తెలిపారు.
మీ స్నేహితులకు రికమెండ్ చెయ్యండి
