నవతెలంగాణ-మహాముత్తారం
వేర్వేరు రోడ్డు ప్రమాదాల్లో ఇద్దరు మృతిచెందిన సంఘటనలు శుక్రవార చోటుచేసుకున్నాయి. మహాముత్తారం మండల పరిధి స్తంభంపల్లి పీకే గ్రామంలో జరిగిన రోడ్డు ప్రమాదంలో కాల్వ శ్రీరాంపూర్‌ పెద్దపెల్లి జిల్లా కు చెందిన మునిగిరి మనమ్మ(45) మృతిచెందింది. మేడారం సందర్శన అనంతరం స్వగ్రామానికి వస్తుండగా మూలమలుపు వద్ద అదుపుతప్పి ఆటో బోల్తా పడగా మృతిచెందిందని, మరో మహిళకు తీవ్ర గాయాలయ్యాయని స్థానికులు తెలిపారు.
కొడకండ్ల : కొడకండ్ల మండలం మొండ్రాయి వైన్స్‌ సమీపంలో జరిగిన రోడ్డు ప్రమాదంలో పాలబిందెల వీరయ్య(40) మృతిచెందాడు. తిరుమలగిరి మండల కేంద్రంలోని రాఘవేంద్ర డిగ్రీ కాలేజీ యాజమాన్యానికి చెందిన వీరయ్య పాలకుర్తి నుండి తిరుమలగిరికి వెళ్తున్నాడు. ఎదురుగా వస్తున్న ద్విచక్ర వాహనాన్నితప్పించబోయి రోడ్డుపై పడగా గాయాలపాలై అక్కడికక్కడే మతి చెందినట్లు స్థానికులు తెలిపారు.