నవతెలంగాణ-కాజీపేట
గ్రేటర్‌ వరంగల్ వాసి పెరుమాండ్ల సాంబమూర్తి కళా నిలయం సంస్థ అందజేస్తున్న దిబెస్ట్‌ లీడర్‌ అవార్డును అందుకున్నారు. గురువారం హైదారాబాద్‌ సారస్వత పరిషత్‌ మందిర్‌లో జరిగిన కార్యక్రమంలో ఆయన ఈ అవార్డును అందుకున్నారు. ఈ సందర్భంగా ఆయనకు కళానిలయం సంస్థ ఫౌండర్‌ సురేందర్‌, అధ్యక్షురాలు పుష్పలతులు అవార్డు అందజేసి శాలువా కప్పి ఘనంగా సన్మానించారు. సాంబమూర్తి వరంగల్ రైల్వేగేట్‌ పాఠశాలలో ఉపాధ్యాయుడిగా, బీసీటీయూ రాష్ట్ర అసోసియేట్‌ అధ్యక్షుడిగా పనిచేస్తున్నాడు. ఆయన అవార్డు అందుకోవడంతో రైల్వే ట్రేడ్‌ యూనియన్‌ నేత కర్ర యాదవరెడ్డి, ప్రధానోపాధ్యాయులు ఎం.బాలస్వామి, జిల్లా సాఫ్ట్‌ బాల్‌ అసోసియేషన్‌ ప్రధాన కార్యదర్శి తాబేటి రాజేందర్‌ తదితరులు అభినందించారు.
మీ స్నేహితులకు రికమెండ్ చెయ్యండి
