నవతెలంగాణ-తాడ్వాయి
మేడారం జాతరలో భక్తులకు ఎన్టీఆర్‌ ట్రస్ట్‌ ఆధ్వర్యంలో వైద్యసేవలు అందించడం అభినంద నీయమని టీడీపీ మండల అధ్యక్షుడు జంగా వెంకట్రాంరెడ్డి తెలిపారు. మేడారం జాతరలో విధులు నిర్వహించే సిబ్బందికి పీపీఈ కిట్లు, ఆక్సీ మీటర్లు ఆయన అందజేశారు. ఎన్టీఆర్‌ ట్రస్తు ఆధ్వర్యంలో ఈనెల 19 వరకు వైద్యసేవలు అందిస్తున్నట్టు తెలిపారు. వైద్యులకు, సిబ్బందికి శాలువాలు కప్పి జ్ఞాపిక అందించి సత్కరించారు. టీడీపీ జాతీయ అధ్యక్షుడు నారా చంద్రబాబు నాయుడు సతీమణి భువనేశ్వరి సహకారంతో వైద్య సేవలు అందించినట్టు తెలిపారు. కార్యక్రమంలో రాష్ట్ర అధ్యక్షుడు బక్కని నర్సింహులు, రాష్ట్ర ప్రధాన కార్యదర్శి అజ్మీరా రాజునాయక్‌, అధ్యక్షుడు కొండపల్లి రామచంద్రరావు, రాష్ట్ర ఆర్గనైజింగ్‌ సెక్రెటరీ యానాల అనంతరెడ్డి, తదితరులు పాల్గొన్నారు.