నవతెలంగాణ- తాడ్వాయి
మండలంలోని నార్లాపూర్‌ జెడ్పీహెచ్‌ఎస్‌ విద్యార్థి సంకే రేవంత్‌ ఇన్స్పైర్‌ మానక్‌ రాష్ట్రస్థాయి పోటీలో ప్రతిభ కనబర్చి జాతీయ స్థాయికి ఎంపికయ్యాడు. ఈ సందర్భంగా శుక్రవారం సంకే రేవంత్‌, అతని గైడ్‌ టీచర్‌ ఎం నందకిషోర్‌లను నార్లపూర్‌ జడ్పీహెచ్‌ఎస్‌ పాఠశాల హెచ్‌ఎం రేగ కేశవరావు, ఎస్‌ఎంసి చైర్మన్‌ రజిత, ఉపాధ్యాయులు శాలువాలు కప్పి ఘనంగా సన్మానించారు. విద్యార్థి రేవంత్‌కు రూ.లు వేయి నగదును హెడ్మాస్టర్‌ కేశవరావు అందజేశారు. ఈ సందర్భంగా వారు మాట్లాడుతూ.. రేవంత్‌ అన్ని రంగాల్లో ఎదిగి పాఠశాలకు, గ్రామానికి, మండలానికి తద్వారా మన జిల్లాకే మంచి పేరు తీసుకురావాలని ఆకాంక్షించారు. ఈ కార్యక్రమంలో ఉపాధ్యాయులు పి సాంబయ్య, కె లక్ష్మణ్‌ రావు, ఏ సమ్మయ్య, సరిత, శోభ, తోలేం లక్ష్మయ్య, మీనమ్మ, మున్వర్‌, గ్రామస్తులు తదితరులు పాల్గొన్నారు.
మీ స్నేహితులకు రికమెండ్ చెయ్యండి
