- ఘనంగా ఎమ్మెల్యే రాజయ్య 62వ జన్మదిన వేడుకలు
నవతెలంగాణ-స్టేషన్‌ఘన్‌పూర్‌
ఎల్లవేళలా ఎమ్మెల్యే రాజయ్య రాజకీయంగా ఉన్నతస్థితిలో ఉండాలని రైతు బంధు సమితి రాష్ట్ర అధ్యక్షుడు, ఎమ్మెల్సీ పల్లా రాజేశ్వర్‌రెడ్డి ఆకాంక్షించారు. మాజీ ఉపముఖ్యమంత్రి, స్టేషన్‌ఘన్‌పూర్‌ ఎమ్మెల్యే తాటికొండ రాజయ్య 62వ జన్మదిన వేడుకలు బుధవారం నియోజకవర్గవ్యాప్తంగా ఘనంగా నిర్వహించారు. ఈ సందర్భంగా తన క్యాంపు కార్యాలయంలో ఏర్పాటు చేసిన వేడుకలకు కేక్‌ కట్‌ చేయగా, ఊరూరా ప్రజాప్రతినిధులు, అధికారులు సైతం పెద్ద ఎత్తున జన్మదిన శుభాకాంక్షలు తెలిపారు. ఈ సంధర్భంగా పల్లా మాట్లాడుతూ.. రాజయ్య ప్రజల మన్ననలు పొందుకోవడమే గాక, నియోజకవర్గ అభివృద్ధితోపాటు నిత్యం ప్రజలకు అందుబాటులో ఉన్న ఆదర్శవంతమైన నాయకుడన్నారు. ఎమ్మెల్యే రాజయ్య మాట్లాడుతూ బాల్యం నుంచి ఎన్నో బాధలు అనుభవించి, పిల్లల డాక్టర్‌ గా, ఎమ్మెల్యేగా, ఉపముఖ్యమంత్రిగా ఎదిగానంటే ఈ ప్రాంత ప్రజలే కారణమని, వారికి రుణపడి ఉంటానని అన్నారు. ఈ స్థాయిలో ఉన్ననాకు నిత్యం సతీమణి ఫాతిమా మేరీ సహాయసహకారాలు మరువలేనివని అన్నారు. సీఎం కేసీఆర్‌ ఈ నియోజకవర్గ ప్రజలకు అభివృద్ది కార్యక్రమాలు అందించడంలో ముందు వరుసలో ఉంటున్నారని అన్నారు. ముందుగా వైస్‌ ఎంపిపీ చల్లా సుధీర్‌ రెడ్డి,జిల్లా నాయకులు మారేపల్లి శ్యామ్‌ రెడ్డి, చిల్పూర్‌ మండల నాయకులు ఎమ్మెల్యే ను గజమాలలతో శుభాకాంక్షలు తెలిపారు. జెడ్పీ స్టాన్డింగ్‌ కమిటీ ఛైర్మన్‌ మారపాక రవి, ఆకుల కుమార్‌, ఎంపీపీ రేఖాగట్టయ్య, సరితబాలరాజు, జడ్పీటిసి చాడ సరిత, బొల్లం అజరు, వైస్‌ఎంపీపీ చల్లా సుధీర్‌ రెడ్డి, చిల్పూర్‌ దేవస్థాన ఛైర్మన్‌ పొట్లపల్లి శ్రీధర్‌ రావు, ఏఎంసీి చైర్మన్‌ గుజ్జరి రాజు, నియోజకవర్గ కో ఆర్డినేటర్‌ పోలేపల్లి రంజిత్‌ రెడ్డి, రంగు రమేష్‌, సర్పంచ్‌ సురేష్‌, మండల అధ్యక్షుడు మాచర్ల గణేష్‌, ఏఎంసి డైరెక్టర్లు హరీష్‌, రాజ్‌కుమార్‌, సరితాం జనేయులు, యూత్‌ నాయకులు చిరంజీవి, ప్రసాద్‌ బాబు పాల్గొన్నారు.
రఘునాథపల్లి : మాజీ డిప్యూటీ సీఎం స్టేషన్‌ఘన్‌పూర ఎమ్మెల్యే డాక్టర్‌ తాటికొండ రాజయ్య జన్మదిన వేడుకలు బుధవారం మండల కేంద్రంలోని ఆర్య వైశ్య భవనంలో మండల అధ్యక్షులు వారాల రమేష్‌ యాదవ్‌ ఆధ్వర్యంలో ఘనంగా నిర్వహించారు. రాష్ట్రంలో అభివద్ధిలో నాలుగో స్థానంలో నిలిచిన రాజయ్య కృషి మరువలేనిదని అన్నారు. జిల్లా సర్పంచుల ఫోరం అధ్యక్షులు పోకల శివకుమార్‌ గుప్తా, నామాల బుచ్చయ్యగౌడ్‌, మండల ప్రధాన కార్యదర్శి ముసి పట్ల విజరు, నియోజకవర్గ మహిళ ఇన్‌చార్జి సునిత పాల్గొన్నారు
లింగాలఘనపురం : స్టేషన్‌ఘన్‌పూర్‌ ఎమ్మెల్యే రాజయ్య జన్మదిన వేడుకలను బుధవారం మండలంలోని నెల్లుట్ల గ్రామంలో గ్రామశాఖ వర్కింగ్‌ ప్రెసిడెంట్‌ నల్ల రాహుల్‌ ఆధ్వర్యంలో ఘనంగా నిర్వహించారు. ఎంపీపీల ఫోరమ్‌ జనగామ జిల్లా అధ్యక్షురాలు చిట్ల జయశ్రీఉపేందర్‌రెడ్డి పాల్గొని పండ్లు పంపిణీ చేశారు. టీఆర్‌ఎస్‌ రాష్ట్ర నాయకులు చిట్ల ఉపేందర్‌రెడ్డి, నెల్లుట్ల గ్రామ సమన్వయ సమితి అధ్యక్షులు జెన్నుతుల సుధీర్‌రెడ్డి, ఏఎంసీ వైస్‌ చైర్మెన్‌ ఆగా రెడ్డి, ఏఎంసీ డైరక్టర్‌ బూడిద రాజు, మండలఎస్సీ సెల్‌ అధ్యక్షులు నల్ల అశోక్‌, మండల సంయుక్త కార్యదర్శి కుమార్‌, తదితరులు పాల్గొన్నారు.
