నవతెలంగాణ-గూడూరు
పదో తరగతి విద్యార్థులు వార్షిక పరీక్షల్లో 10 జీపీఏ సాధించి ప్రతిభను కనబర్చాలని జెడ్పీటీసీ గుగులోత్‌ సుచిత్ర, జెడ్పీ హైస్కూల్‌ ఎస్‌ఎంసీ చైర్మెన్‌ పసునూరి రత్నం కోరారు. పదో తరగతి వార్షిక పరీక్షల సందర్భంగా మండల కేంద్రంలోని జెడ్పీ హైౖస్కూల్‌లో హెచ్‌ఎం పోడెం కాంతా రావు, చైర్మెన్‌ రత్నం పాఠశాల ఉపాధ్యాయులచే తయారు చేయించిన స్టడీ మెటీరియల్‌ను విద్యార్థులకు మంగళవారం అందజేశారు. అనంతరం మండల కేంద్రంలోని జెడ్పీ బాలికల హైస్కూల్‌లో జెడ్పీటీసీ సుచిత్ర విద్యార్థులకు స్టడీ మెటీరియల్‌ అందజేశారు. ఈ సందర్భంగా వారు మాట్లా డారు. విద్యార్థులు ఇష్టపడి చదివి మంచి మార్కులతో ఉత్తీర్ణులు కావాలన్నారు. కార్యక్రమంలో ఉపాధ్యాయులు సదాశివ, హరిశంకర్‌, శరత్‌బాబు, సులోచన, యాకలక్ష్మి, మహబూబ్ అలీ, సునీత, అనిల్‌ కుమార్‌, శ్రీధర్‌, శ్రీనివాస్‌, జయశ్రీ, ఉమారాణి, రమాదేవి, భారతి, సంధ్యారాణి, కల్పనాదేవి, రాజ్యలక్ష్మి తదితరులు పాల్గొన్నారు.
