- ఎర్రబెల్లి చారిటబుల్‌ ట్రస్ట్‌ చైర్మన్‌ ఉషా దయాకర్‌రావు
నవతెలంగాణ-తొర్రూర్‌ టౌన్‌
నిజాయితీగా పని చేస్తేనే గుర్తింపు లభిస్తుందని ఎర్రబెల్లి చారిటబుల్‌ ట్రస్ట్‌ చైర్మెన్‌ ఉషా దయాకర్‌రావు తెలిపారు. మండలంలోని గుర్తురు గ్రామంలో బుధవారం ఏర్పాటు చేసిన రాష్ట్ర పంచాయతీ రాజ్‌ శాఖ రూరల్‌ డెవలప్‌ మెంట్‌ కమిషన్‌ డైరెక్టర్‌గా ఎన్నికైన లింగాల వెంకటనారాయణ గౌడ్‌ సన్మాన, కృతజ్ఞత సభకు ముఖ్యఅతిధిగా ఉషా దయాకర్‌రావు హాజరై మాట్లాడారు. మంత్రి దయాకర్‌రావు క్రమశిక్షణ, పట్టుదల, నిజాయితీ, ఓపికతో పని చేస్తే గుర్తింపు వస్తుందనడానికి వెంకట నారాయణ గౌడ్‌ నిదర్శనమన్నారు. ఎలాంటి కష్టం వచ్చిన మంత్రి దయాకర్‌రావు దృష్టికి తీసుకెళ్లి పరిష్కా రం చేసుకుంటూ అండగా ఉండాలని కోరారు. అనంతరం వెంకట నారాయణను పూలమాల లు, శాలువాలతో ఉష దయాకర్‌రావు, ప్రజా ప్రతినిధులు, అధికారులు, టీఆర్‌ఎస్‌ శ్రేణులు సన్మానించారు. కార్యక్రమంలో సర్పంచ్‌ రవీంద్రాచారి, ఎంపీటీసీ మేరుగు మాధవి రమేష్‌ గౌడ్‌, పీఏసీఎస్‌ డైరెక్టర్‌ ప్రకాష్‌ గౌడ్‌, రైతు కోఆర్డినేటర్‌ సింగారం కుమార్‌, ఉప సర్పంచ్‌ ఆవుల సుజాత, టీఆర్‌ఎస్‌ గ్రామ అధ్యక్షులు ఈదురు వెంకన్న, మార్కెట్‌ డైరెక్టర్‌ కూరపాటి సోమయ్య, తదితరులు పాల్గొన్నారు.
