- ఎంపీపీ బి రాణిబారు రామారావు
నవతెలంగాణ-మహాదేవపూర్‌
మహాదేవపూర్‌ మండల కేంద్రంలోని జిల్లా పరిషత్‌ బాలుర ఉన్నత పాఠశాలను శుక్రవారం ఎంపీపీ బన్సోడ రాణీబాయి రామారావు పదో తరగతి విద్యార్థుల ప్రత్యేక తరగతులను పరిశీలించారు. విద్యార్థులకు అల్పాహారాన్ని అందించారు. ఈ సందర్భంగా ఎంపీపీ మాట్లాడుతూ సమయాన్ని సద్వినియోగం చేసుకుని, కష్టపడి చదివి ప్రథమశ్రేణిలో ఉత్తీర్ణులు కావాలన్నారు. ఇందుకు సహాయ సహకారాలు అందిస్తామని అన్నారు. మండలంలోని ఏడు జిల్లా పరిషత్‌ పాఠశాలలో చదువుకుంటున్న 10 వ తరగతి విద్యార్థులకు రెండు నెలల పాటు ప్రతి రోజు అల్పాహారం అందిస్తామన్నారు. మండలంలోని మహాదేవపూర్‌ బాలురు, కాళేశ్వరం, మహాదేవపూర్‌ బాలికలు, బొమ్మాపూర్‌, మహాదేవపూర్‌ ఉర్దూ మీడియం, సురారం, అంబాటపల్లి జడ్పీ పాఠశాలలోని 10వ తరగతి విద్యార్థులందరికీ రూ.50 వేల ఖర్చుతో అల్పాహారం అందిస్తున్నామని ఎంపీపీ రాణిబారు రామారావు తెలిపారు. ఈ కార్యక్రమంలో ప్రధానోపాధ్యాయులు ఆకుల అశోక్‌, ఉపాధ్యాయులు ప్రభాకర్‌ రెడ్డి, తిరుపతి తదితరులు పాల్గొన్నారు.