నవతెలంగాణ-వేలేరు
మండల కేంద్రంలోని జెడ్పీ హైస్కూల్‌ అవరణలో జిల్లా కబడ్డీ అసోసియేషన్‌ జాయింట్‌ సెక్రెటరీ, ఉపసర్పంచ్‌ సద్దాం హుసేన్‌ అధ్వర్యంలో ఇంటర్ జోనల్‌ కబడ్డీ మెన్‌ అండ్‌ ఉమెన్‌ టోర్నమెంట్‌ సెలక్షన్‌ పోటీలు ఆదివారం నిర్వహించారు. ఈ కార్యక్రమానికి ముఖ్యఅతిథిగా ఖో-ఖో క్రీడా సంఘం రాష్ట్ర అద్యక్షుడు, మాజీ డీసీసీబీ చైర్మెన్‌ జంగా రాఘవరెడ్డి, కబడ్డీ అసోసియేషన్‌ రాష్ట్ర ఉపాద్యక్షుడు, గ్రంధాలయ సంస్థ చైర్మెన్‌ అజీజ్‌ ఖాన్‌, కబడ్డీ అసోసియేషన్‌ జిల్లా అద్యక్షుడు సారంగపాణి, సర్పంచ్‌ల ఫోరమ్‌ అధ్యక్షులు, స్థానిక సర్పంచ్‌ కాయిత మాధవరెడ్డి హాజరై మాట్లాడారు. క్రీడలు మానసిక, శారీరక వికాసానికి దోహదం చేస్తాయని తెలిపారు. జోనల్‌ స్థాయిలో ప్రతిభ కనబర్చే క్రీడాకారులు జిల్లా స్ధాయి పోటీలకు ఎంపికవుతారని వివరించారు. కార్యక్రమంలో క్రీడాకారులు, కబడ్డీ అసోసియేషన్‌ సభ్యులు పాల్గొన్నారు.
