- ఐసీడీఎస్‌ సూపర్‌వైజర్‌ స్వరూప
నవతెలంగాణ-హసన్‌పర్తి
అంగన్‌వాడీ కేంద్రాల్లోనే పిల్లల ఆరోగ్య భవిష్యత్తు సాధ్యమని ఐసీడీఎస్‌ సూపర్‌వైజర్‌ స్వరూప తెలిపారు. మండల కేంద్రంలోని అంగన్‌వాడీ కేంద్రాల్లో శనివారం సామూహిక అక్షరాభ్యాస కార్యక్రమం నిర్వహించగా ఆమె ముఖ్యఅతిథిగా హాజరై పిల్లలతో అక్షరాలు దిద్దించి కార్యక్రమాన్ని ప్రారంభించి మాట్లాడారు. అంగన్‌వాడీ కేంద్రాల్లో ఐదేండ్లలోపు పిల్లలకు ప్రీస్కూల్‌ విద్యతోపాటు పౌష్టికాహారం అందజేస్తున్నట్లు తెలిపారు. అంగన్‌వాడీ కేంద్రాలను సద్వినియోగం చేసుకొని తల్లిదండ్రలు పిల్లల ఆరోగ్య సంరక్షణకు సహకరించాలని కోరారు. కార్యక్రమంలో అంగన్‌వాడీ కార్యకర్తలు రజనీ, బాగ్య,ఉమ, విమల, మహేశ్వరి, స్వరూప, కమల, తదితరులు పాల్గొన్నారు.
మీ స్నేహితులకు రికమెండ్ చెయ్యండి
