నవతెలంగాణ-గణపురం
           మండల కేంద్రంలోని ప్రాథమిక పాఠశాలను మోడల్‌ పాఠశాలగా ఎంపిక చేసినట్లు కలెక్టర్‌ భవేష్‌ మిశ్రా తెలిపారు. గురువారం మండల కేంద్రంలోని ప్రాథమిక పాఠశాలను ఆయన పరిశీలించారు. జిల్లాలో మండల కేంద్రంలోని ప్రాథమిక పాఠశాలను మోడల్‌ పాఠశాల ఎంపిక చేసినట్ల ఆయన తెలిపారు. అన్ని హంగులతో సుందరీకరంగా తీర్చి దిద్దుతామన్నారు. తన వద్ద కావాల్సిన నిధులు ఉన్నాయని పాఠశాలకు సరిపోయే డబ్బులు ఇస్తానని హామీ ఇచ్చారు. పనులు త్వరగా ప్రారంభించి మోడల్‌ స్కూలు ను ఆదర్శంగా తీర్చిదిద్దాలన్నారు. మోడల్‌ స్కూల్‌లో ఒకటి నుండి ఐదవ తరగతి వరకు ఇక్కడ చదువుతారని అనంతరం ఆదర్శ మోడల్‌ పాఠశాలలో 6 నుండి ఇంటర్‌ వరకు అక్కడ చదువుతారన్నారు. ఆయన వెంట సర్పంచ్‌ నారగాని దేవేందర్‌ గౌడ్‌, ఎంపీడీవో అరుంధతి, ఎంఈవో సురేందర్‌ తదితరులు పాల్గొన్నారు.