నవతెలంగాణ-వరంగల్
ఇటీవల నూతనంగా ఎంపీగా ఎన్నికైన వద్దిరాజు రవిచంద్ర శుక్రవారం పార్లమెంటు భవన్‌లో ప్రమాణ స్వీకారం చేశారు. ఆయనతో పాటు రాజ్యసభకు ఎన్నికైన బండి పార్థసారథిరెడ్డి, దీకొండ దామోదర్‌రావు, టీఆర్‌ఎస్‌ లోక్‌సభాపక్ష నేత నామా నాగేశ్వరరావ, కె.ఆర్‌.సురేష్‌ రెడ్డి, వెంకటేష్‌ నేతలతో కలిసి కొత్త ఎంపీలు రాజ్యసభ చైర్మన్‌ ఎం.వెంకయ్యనాయుడు సమక్షంలో ప్రమాణ స్వీకారం చేశారు. అనంతరం ఎంపీలందరితో వెంకయ్య నాయుడు కొద్ది సేపు ముచ్చటించారు. అనంతరం ఎంపీలంతా కలిసి కొత్త సభ్యులకు లోక్‌ సభ, రాజ్యసభ లతో పాటు పార్లమెంటు సెంట్రల్‌ హాలును చూపించి అక్కడ గ్రూప్‌ ఫొటో దిగారు. కార్యక్రమంలో పలువురు తెలంగాణ నేతలు పాల్గొన్నారు.
మీ స్నేహితులకు రికమెండ్ చెయ్యండి
