- వాల్‌ పోస్టర్‌ విడుదల
నవతెలంగాణ-కాటారం
ఈనెల 3న సుల్తానాబాద్‌లో తల పెట్టిన విశ్వకర్మ కులస్తుల ఆత్మీయ సమ్మేళన కార్యక్రమ వాల్‌పోస్టర్‌ను మండలంలోని గారెపల్లి లోని అంబేద్కర్‌ విగ్రహం వద్ద బీఎస్పీ జిల్లా కోశాధికారి బొడ్డు రాజ్‌కుమార్‌, మంథని నియోజకవర్గ అధ్యక్షుడు రామిళ్ల రాకేష్‌తో కలిసి జిల్లా విశ్వకర్మ, విశ్వబ్రాహ్మణ మాతృ సంఘం జిల్లా కన్వీనర్‌ అందె భాస్కరాచారి ముఖ్యఅతిథిగా హాజరై శుక్రవారం ఆవిష్కరించారు. ఈ సందర్భంగా బీఎస్పీ మండల కన్వీనర్‌ బొడ్డు రాజబాబు ఆధ్వర్యంలో ఏర్పాటు చేసిన కార్యక్రమంలో భాస్కరాచారి మాట్లాడారు. విశ్వకర్మ కులస్తుల సమస్యల పరిష్కారానికి పాటుపడాలని ఆకాంక్షించారు. ఆత్మీయ సమ్మేళనాన్ని విజయవంతం చేయాలని కోరారు. కార్యక్రమంలో విశ్వకర్మ సంఘం మండల అధ్యక్షుడు వంగల జనార్ధన్‌ చారి, నాయకులు గౌరోజు పెద్ద రామన్న చారి, కొండపర్తి ఆనందాచారి, ఓదెల సాంబయ్య చారి, బోనాల సునీల్‌ చారి, నూతి శంకరా చారి, దెంచనాల సదానంద చారి, బీఎస్పీ కాటారం సెక్టార్‌ అధ్యక్షుడు బీరెల్లి మహేష్‌, బొడ్డు రాజశేఖర్‌, గంట రవి, బాపు, బొడ్డు సాగర్‌, అరికిల్ల పొచయ్య పాల్గొన్నారు.
