- రూరల్‌ రైస్‌ మిల్లర్స్‌ జిల్లా అధ్యక్షుడు బెలిదే వెంకన్న
నవతెలంగాణ - స్టేషన్‌ఘన్‌పూర్‌
కడియం జన్మదిన వేడుకలు విజయవంతం చేయాలని రూరల్‌ రైస్‌ మిల్లర్స్‌ జిల్లా అధ్యక్షుడు బెలిదే వెంకన్న అన్నారు. గురువారం నియోజక వర్గ కేంద్రంలో ఆయన విలేకర్లతో మాట్లాడారు. డివిజన్‌ కేంద్రంలో కోలాటం, డప్పు కళాకారులతో శివునిపల్లిలోని అంబేద్కర్‌ విగ్రహం నుంచి, బస్టాండ్‌ మీదుగా ఎస్సీ బస్తీ వరకు ర్యాలీ నిర్వహించి, అనంతరం మండల రైతుబంధు సమితి అధ్యక్షుడు, జిల్లా నాయకులు చింతకుంట్ల నరేందర్‌ రెడ్డి ఇంటి అవరణలో వేడుకల్ని జరిపి, 2వేలమందికి అన్నదాన కార్యక్రమం నిర్వహించనున్నట్లు తెలిపారు. నియోజవర్గంలోని అన్ని గ్రామాలనుంచి కార్యకర్తలు, అభిమానులు, నాయకులు, ప్రజాప్రతినిధులు అధిక సంఖ్యలో తరలిరావాలని కోరారు. ఈ కార్యక్రమంలో సర్పంచ్‌ పోగుల సారంగపాణి, మధుసూదన్‌రెడ్డి, ఎంపీటీసీ రజాక్‌ యాదవ్‌, కుమారస్వామి, తదితరులు పాల్గొన్నారు.
