నవతెలంగాణ-తాడ్వాయి
అడవి బిడ్డలు అవకాశాలను అందిపుచ్చుకొని ఆకాశమే హద్దుగా ఎదగాలని ప్రము ఖ సామాజిక సేవకుడు, తెలంగాణ గెజిటెడ్‌ అధికారుల సంఘం నాయకుడు డాక్టర్‌ ప్రభాకర్‌ రెడ్డి అన్నారు. మంగళవారం మండల కేంద్రంలోని ప్రభుత్వ జూనియర్‌ కళాశాలలో హన్మకొండకు చెందిన లయన్స్‌ క్లబ్‌ ఇంటర్నేషనల్‌ థౌజెండ్‌ పిల్లర్స్‌ శాఖ వారు స్థానిక ప్రభుత్వ జూనియర్‌ కళాశాల తాడ్వా యి ప్రిన్సిపాల్‌ ఆసనాల శ్రీనివాస్‌ అధ్యక్షతన రూ. 20 వేల విలువ చేసే నోట్‌ బుక్స్‌ పంపిణీ చేశారు. ఈ సందర్భంగా వారు మాట్లాడుతూ అనుభవం గల అధ్యాపకులు నాణ్యమైన బోధన ఉన్న ప్రభుత్వ కళాశాలల్లో పెద్ద ఎత్తున విద్యార్థులను చేర్పించాలని ఆన్నారు. లయన్స్‌ క్లబ్‌ అధ్యక్షుడు చంద్రశేఖర్‌ మాట్లాడుతూ ఏజెన్సీ ప్రాంత ప్రభుత్వ సంస్థల విద్యార్థులకు అన్ని రకాల విద్య అవసరాలను తీర్చడానికి ముందుం టామ న్నారు. విద్యార్థులందరికీ ఆహార ప్యాకెట్లను, సామాగ్రిని అందించారు. కార్యక్రమంలో కళాశాల ప్రిన్సిపల్‌ అస్నాల శ్రీనివాస్‌, అధ్యాపకులు రాములు నాయక్‌, సంధ్య, మూర్తి, కిషన్‌, రాజ్‌ కుమార్‌, రాజు, బిక్షం, తదితరులు పాల్గొన్నారు.
