- మండల అధ్యక్ష కార్యదర్శులు సోమిరెడ్డి, వెంకట్‌ రెడ్డి
నవతెలంగాణ-తొర్రూరు
రైతుల సమస్యల పరిష్కారంతోపాటు రైతు సంఘం బలోపేతానికి అహర్నిశలు కషి చేస్తామని రైతు సంఘం(ఏఐకేఎస్‌) మండల అధ్యక్షులు జన్నపురెడ్డి సోమిరెడ్డి, ప్రధాన కార్యదర్శి కొత్త వెంకట్‌ రెడ్డి అన్నారు. సోమవారం స్థానిక ప్రజాసంఘాల కార్యాలయంలో రైతు సంఘం మండల మహాసభ సోమిరెడ్డి అధ్యక్షతన నిర్వహించారు. ఈ మహాసభలో తొర్రూరు మండల కమిటీని ఏకగ్రీవంగా ఎన్నుకున్నట్లు జిల్లా ప్రధాన కార్యదర్శి శెట్టి వెంకన్న తెలిపారు. మండల అధ్యక్షులుగా జన్మరెడ్డి సోమిరెడ్డి, ప్రధాన కార్యదర్శిగా కొత్త వెంకట్‌రెడ్డి, ఉపాధ్యక్షులుగా గజ్జి రామ్మూర్తి, బొల్లం వెంకన్న, తాళ్ల వెంకటేశ్వర్లు, సహాయ కార్యదర్శులుగా గుద్దేటి సాయి మల్లు, ఇట్టే మహేందర్‌ రెడ్డి, మండల కమిటీ సభ్యులుగా యాక సాయిలు, వల్లపు స్వరూప, యాకూబ్‌ను ఏకగ్రీవంగా ఎన్నుకున్నారు. అనంతరం జన్నపురెడ్డి సోమిరెడ్డి, కొత్త వెంకటరెడ్డి మాట్లాడుతూ... తమపై నమ్మకంతో బాధ్యతలు అప్పజెప్పినందుకు మండల కమిటీకి, జిల్లా కమిటీకి ప్రత్యేక ధన్యవాదాలు తెలిపారు. ఈ కార్యక్రమంలో సీపీఐ(ఎం) మండల కార్యదర్శి ఎండీ యాకూబ్‌, సీఐటీయూ మండల కార్యదర్శి జమ్ముల శ్రీనువాస్‌, తదితరులు పాల్గొన్నారు.