నవతెలంగాణ-మరిపెడ
మరిపెడ మండల కేంద్రంలోని సెయింట్‌ అగస్టీన్‌ పాఠశాలకు చెందిన విద్యార్థులు జిల్లా స్థాయి జూనియర్‌ అథ్లెటిక్స్‌ పోటీలలో రాష్ట్ర స్థాయి పోటీలకు ఎంపికైనట్లు పాఠశాల ప్రిన్సిపల్‌ సిస్టర్‌ రోసిన్‌, పాఠశాల వ్యాయామ ఉపాధ్యాయుడు తేజావత్‌ రాంబాబు శుక్రవారం ప్రకటనలో తెలిపారు. 23వ తేదీన మహబూబాద్‌ జిల్లా కేంద్రంలోని ఎన్టీఆర్‌ స్టేడియంలో నిర్వహించిన తెలంగాణ రాష్ట్ర స్థాయి జూనియర్‌ అథ్లెటిక్స్‌ ఛాంపియన్షిప్‌ పోటీలలో సెంట్‌ అగస్టీన్‌ పాఠశాలకు చెందిన విద్యార్థిని వి. మానస 14 సంవత్సరాల బాలికల విభాగంలో షార్ట్‌ పుట్‌ లోఅత్యుత్తమ ప్రతిభ కనబరిచి జిల్లాలో ప్రథమ స్థానం పొందినట్లు చెప్పారు. 14 సంవత్సరాల బాలుర విభాగంలో ఎల్‌ వినోద్‌ జిల్లా స్థాయిలో ద్వితీయ స్థానం పొందినట్లు తెలిపారు. పరుగు పందెంలో ప్రవీణ్‌ 100 మీటర్ల విభాగంలో రాష్ట్రస్థాయి పోటీలకు ఎంపికైనట్లు చెప్పారు. అక్టోబర్‌ 8, 9 తేదీలలో హనుమకొండ లోని జవహర్‌ లాల్‌ నెహ్రూ స్టేడియంలో నిర్వహించనున్న రాష్ట్ర స్థాయి జూనియర్‌ ఛాంపియన్‌ షిప్‌ పోటీలలో విద్యా ర్థులు పాల్గొంటారని తెలిపారు. అనంతరం విద్యార్థులను పాఠశాల కరస్పాండెంట్‌ సిస్టర్‌ షీనాటోమ్‌, ఉపాధ్యాయ బృంద సభ్యులు అభినందించారు.
