నవతెలంగాణ-బయ్యారం
ప్రమాదవశాత్తు బొగ్గు లారీ బోల్తా కొట్టిన ఘటన మండల కేంద్రంలోని లారీ ఆఫీస్‌ సమీపంలో బయ్యారం నుండి మహబూబాబాద్‌ వెళ్లే ప్రధాన రహదారిపై గురువారం చోటుచేసు కుంది. వివరాల్లోకెళ్తే... భూపాలపల్లికి చెందిన ఓ బొగ్గు లారీ బయ్యారం-మహబూబాబాద్‌ ప్రధాన రహదారి పక్కన ఉన్న గుంతను తప్పించబోయి ప్రమాదవశాత్తు బోల్తా పడింది. ఈ ప్రమాదంలో ఎటువంటి ప్రాణ నష్టం జరగలేదు. రోడ్డు పక్కనే వున్న గుంత వల్లే ప్రమాదాలు జరుగుతున్నాయని స్థానికులు ఆగ్రహం వ్యక్తం చేస్తున్నారు. రోడ్డు మరమ్మతులు చేపట్టాలని ప్రజలు కోరుతున్నారు.
మీ స్నేహితులకు రికమెండ్ చెయ్యండి
