నవతెలంగాణ-గార్ల
తెలంగాణ సాంప్రదాయ పండుగ బతుకమ్మ ఉత్సవాలను గురువారం మండల కేంద్రం లో ఘనంగా నిర్వహించారు. ఉత్సవాలలో భాగంగా 5వ రోజు అట్ల బతుకమ్మ వేడుకల సందర్భంగా వివిధ రకాలైన పూలతో బతుకమ్మ ప్రతులను తయారు చేసి స్దానిక శివాలయంలో బతుకమ్మ పాటలతో వేడుకలను వైభవంగా నిర్వహించారు. సర్పంచ్‌ అజ్మీర బన్సీలాల్‌, గ్రామ పెద్దలు కె.శ్రీనివాస్‌,బి.అరుణ్‌ గౌడ్‌ వివిధ వార్డు లకు చెందిన మహిళలు,యువతులు పాల్గొన్నారు.
జూనియర్‌ కళాశాలలో బతుకమ్మ వేడుకలు
స్థానిక ప్రభుత్వ జూనియర్‌ కళాశాలలో ప్రిన్సిపాల్‌ ఆర్‌ గోవిందరావు ఆధ్వర్యంలో గురువారం ఐదో రోజు అట్ల బతుకమ్మను ఘనంగా నిర్వహించారు. అనంతరం ఉత్తమ బతుకమ్మ లను చేసిన విద్యార్థులకు బహుమతులను అందించారు. అధ్యాపకులు ఆర్‌. రఘుబాబు, ఆనందకుమార్‌ ,డాక్టర్‌ కె. సురేష్‌, వి.రవీందర్‌,జి.సోమన్న, టీ నాగేశ్వరరావు, రాంబాబు, ప్రసాద్‌ రావు, శ్రీనివాస్‌, సుజాత, స్రవంతి తదితరులు పాల్గొన్నారు.
